ՀՀ դեսպանը հանդիպեց Կարլտոնի համալսարանի ուսանողներին

06 դեկտեմբերի, 2024

Դեկտեմբերի 6-ին, Կանադայում ՀՀ դեսպանատանը տեղի ունեցավ Օտտավայի Կարլտոն համալսարանի Եվրոպայի, Ռուսաստանի և եվրասիական ուսումնասիրությունների ինստիտուտի ուսանողների հանդիպումը Ն․Գ․ դեսպան Անահիտ Հարությունյանի հետ։ Ուսանողներին ուղեկցում էր նույն համալսարանի պրոֆեսոր Ջեֆ Սահադեոն։

Ջերմորեն ողջունելով հյուրերին՝ ՀՀ դեսպանը ներկայացրեց ՀՀ արտաքին քաղաքականության առաջնահերթությունները, վերջին զարգացումները հայ-կանադական քաղաքական օրակարգում, ՀՀ առջև ծառացած անվտանգային մարտահրավերները Հվ. Կովկասում, տարածաշրջանային ենթակառուցվածքների ապաշրջափակման խնդիրը, ինչպես նաև Հայաստանի՝ անմիջական հարևանների հետ հարաբերությունները: Պատասխանելով ուսանողների բազմաթիվ հարցերին՝ դեսպան Հարությունյանն անդրադարձավ Ադրբեջանի կողմից ՀՀ ինքնիշխան տարածքի օկուպացիային, էթնիկ զտման միջոցով Արցախի բնիկ ժողովրդի՝ Ադրբեջանի կողմից բռնի տեղահանության հետևանքներին ու նրանց իրավունքների հասցեագրման հրամայականին, ինչպես նաև հայկական մշակութային և հոգևոր ժառանգության շարունակական ոչնչացման Ադրբեջանի քաղաքականությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր